Бұқар жырау даңғылы - Қарағанды қаласының Қазыбек би ауданында орналасқан. Темір жол вокзалынан сотүстік-батысқа қарай Ермеков, Әлиханов, Комиссаров, Сәтбаев, Жамбыл көшелерімен, Нүркен Әбдіров, Ленин даңғылдармен, Бейбітшілік бульварымен қиылысып, Үлкен Бұқпа өзенін кесіп өтеді.

   Соғысқа дейінгі жылдары, Қарағанды темір жолы торабы мен кірме жолдардың дамуына, Жаңа қаланың жерін игеруге байланысты қалыптаса бастады. Оның бойына негізінен бес және тоғыз қабатты үйлер салынған, олардың бірінші қабаттарында сауда, қоғамдық тамақтандыру, тұрмыс қажетін өтеу кәсіпорындары орналасқан. 

   Әлиханов көшесімен қиылысында - қаланың орталық алаңы, Қарағанды облысының әкімшілік ғимараты бар. Бұқар жырау даңғылы боыйнда мыналар орналасқан: Кеншілер мәдениет сарайы, музыкалық комедия театры, тау-кен техникумы, Абай атындағы облыстық балалар кітапханасы, бейнелеу өнері мұражайы, С.Сейфуллин атындағы қазақ драма театры, "Шахтер" стадионы, "Шахтер данқы" монументі, Н.Әбдіров, Бұқар жырау ескерткіштері және т.б.