Сыздық Рабиға Сәтіғалиқызы (1924, Ақтөбе облысы Ойыл ауылы) - тілші ғалым, филологиялық ғылымының докторы (1972), профессор (1989). ҚР ҰҒА академигі (1989). ҚР мемлекеттік сыйлығының иегері (1996). Абай атындағы қазақ педагогика институтын бітірген. А.Байтұрсынұлы атындағы Тіл білімі институтында қызметкер. "Қазақ әдеби тілінің тарихы" монографиясына Ш.Уәлиханов атындағы сыйлық берілді (1995). "Абай шығармаларының тілі" (1968), "Абай өлендерінің синтаксисі" (1970), "Абайдың сөз өрнегі" (1995) еңбектерімен абайтануға еңбек сіңірді. "Қазақ орфографиясы мен пунктуациясы жөнінде анықтағыш" (1959), "Сөздер сөйлейді" (1980), "Сөз сазы" (1983), "Сөз құдыреті" (1997), "қазақ тілінің анықтағышы" (2000), "Тілдік норма және оның қалыптасуы" (2001) еңбектерінде қазақ әдеби тіл тарихы, ақын-жыраулар тілі, ортағасырлық жазба ескерткіштер тілінің тарихы, лигвостилистика, тіл мәдениеті зерттелді.