Әй, заман-ай, заман-ай,

Түсті мынау тұман- ай,

Істің бәрі күмән-ай.

Баспақ-тана жиылып,

Фәни болған заман-ай.

Құл-құтандар жиылып,

Құда болған заман-ай.

Арғымағын жоғалтып,

Тай жүгірткен заман ай

Азаматың құлапты,

Жұрт талық болған заман-ай.

Арғымақтың жалы жоқ,

Жабылар жалыменен теңелер.

Жақсылардың малы жоқ,

Жамандар малыменен теңелер.

Арғымақ жалсыз, ер малсыз,

Алланың аманат қойған нәрсесі

Қай күні алары болжалсыз.