Алыстан қызыл көрінсе,

Манат емей немене.

Көтеріліп ұшқан соң,

Қанат емей немене.

Екі жақсы бас қосса,

Санат емей немене.

Қамшылатып жүгірген,

Шабан емей немене.

Айтқан сөзге түспеген,

Жаман емей немене.

Сұрағанда бермеген,

Сараң емей немене.

Кісі ақысын көп жеген,

Арам емей немене.

Іштегі сыр Аллаға мағлұм,

Сыртындағы қулығы,

Амал емей немене.

Сусағанда берген су

Шекер емей немене.

Һимматсізге*  біткен мал,

Бекер емей немене.

​

​

​

           * һимматсіз – пейілсіз  деген  ұғымды  білдіреді